List

Internett, skjerm, smarttelefon, sosiale media og e-post driv meg fra vettet for tida. Gode sju timar kvar dag sit eg framføre skjermen på jobb med e-post, telefon og forskingsprosjekt-promotering på Facebook. Når det endeleg er på tide å gå heim, så tek eg meg sjølv i å sjekka e-post på vegen heim. I gangen heime. Eg snik meg til å sjekka endå ein gong. Og berre nett ein gong til. Dersom det varsla talet på e-postar har auka sidan sist, stig spenninga før eg klikkar meg inn. Og slik held eg fram heile kvelden.

Eg har ikkje ein jobb som gjer det er naudsynt å sjekka e-posten på ettermiddagen. Det er aldri noko som ikkje kan venta til morgonen etter. Det er som regel ikkje veldig spennande det som kjem i innboksen. Mykje informasjonsbrev, ein del ordrestadfestingar, meldingar frå banken om kontoutskrift, og så bortetter. I tillegg til heilt ordinær og ikkje særleg viktig jobbmail.

Men eg sjekkar likevel. Det hender i ny og ne at det ramlar ein interessant førespurnad ned i e-postkassa. Nokon som vil at eg skal halda føredrag, stilla opp til intervju, kommentera ei sak eller noko anna morosamt. Nokon som stadfestar at eg kan noko, har noko å melda og er verd å lytta til. Det er vel her det ligg – eg vil gjerne ha bekreftelse heile tida.

I tillegg kjem Twitter og Facebook. Med likes, varsel, venneførespurnader og meldingar. Kor mange har likt sida «Queer Migrants in Norway – A Research Project» no? 6 fleire enn før i dag? Har nokon kommentert? Har forresten nokon delt bloggen eg la ut før i dag? Skal berre nett sjekke.

Resultatet av denne galskapen er at eg tenkjer på jobb heile ettermiddagen. Eg burde fått betalt overtid for alt det intense tenjkearbeidet som eg gjer på fritida. Og på natta somme tider.

Det er lenge sidan eg slutta å ha telefonen på soverommet. Me har kjøpt «mobilparkering» – ei fin liten stasjon til telefonane – som heng på gangen. Eg har skrudd av push-varsel på alle appar. Det er ikkje lov til å opna Facebook før på slutten av arbeidsdagen! Og ingen føremålslaus Facebooking på ettermiddagen. Ikkje lov til å opna e-posten om morgonen før eg har skrive ein time.

Men plutseleg, trass i alle tiltak, så er eg på kjøret igjen. Eg snik meg ut i mobilparkeringa og sjekker e-posten. Eg skal berre nett sjekka «noko viktig og veeeeldig jobbrelatert» på Facebook. Eg skal berre nett dela denne bloggen og kanskje berre sjå etter kva folket syns….

Eg las ein veldig interessant artikkel som oppsummerte forsking på korleis skjermane påvirkar oss (Las om det på sosiale media, sjølvsagt, og finn det ikkje igjen sjølv om eg både likte og delte). Det var nedslåande nytt. Me søv dårleg, blir dårlegare til å forstå og tolka ansiktsuttrykk og sosiale relasjonar. Konsentrasjonsevnen blir elendig. Me taster i stadenfor å høyra etter på kva folk seier. Mobilen er den nye store faren for småbarns utvikling, seier helsesystrene. Spedbarn lærer at mamma og pappa syns telefonen er viktigare enn dei. Sånt må det bli skyhøge psykologutgifter av i framtida.

Eg innrømmer det. Eg er ei litt dystopisk anlagt kvinne på ikkje langt unna 40 år, og trur at teknologikøyred ikkje er bra for verken for vaksne eller barn. Eg er sikkert både gamaldags, bakstreversk og akterutseilt. Men eg, som ikkje eigde mobil før eg var myndig, er på kjøret. Og no blir det detox. Nok ein gong.

cafnr app_0031, av CAFNR, CC BY-NC 2.0.

Legg att eit svar

Epostadressa di blir ikkje synleg. Påkravde felt er merka *

  Posts

desember 6th, 2018

Levekår blant skeive med innvandrerbakgrunn i Norge

Lesbiske, homofile, bifile, transpersoner og interkjønnpersoner med innvandrerbakgrunn risikerer å bli utsatt for diskriminering på grunn av seksuell orientering og […]

november 28th, 2018

Sosial omsorg − fra blind flekk til sentralt innsatsområde i hjemmebasert eldreomsorg?

Sosial omsorg er en blind flekk i den hjemmebaserte eldreomsorgen, hevder Mai Camilla Munkejord, Walter Schönfelder og jeg i en […]

november 22nd, 2018

Nei, abortlova er ikkje diskriminerande

Abortlova er diskriminerande, har Erna Solberg påstått, som eit argument for å endra §2c. Påstanden har fått vind i segla […]

november 18th, 2018

Kvinner som møter i nemnder

Tusenvis av kvinner og menn demonstrerte i går til støtte for abortlova, og for kvinners rett til sjølv å bestemma […]

november 13th, 2018

Sumaya samtalar med Zeshan Shakar

I går var eg blant dei over hundre menneska som kom til Stormen bibliotek i Bodø for å ta del […]

november 4th, 2018

Søndagstur til mor

Eg kunne mest ikkje hugsa sist eg var på topptur. Det har blitt mykje barnevennlege turar. Stort sett kjekt det, […]

november 4th, 2018

Likeløn – frå aksjon til byråkratisk standard

24. oktober gjekk “Likelønnsaksjonen” av stabelen rundt om i landet. Aksjonen sett fokus på det faktumet at kvinner i snitt framleis tener […]

oktober 24th, 2018

Heime i Stabburshaugen

I juni i år flytta me inn i det nye huset i Stabburshaugen. Der er ganske mange som har vore […]

oktober 7th, 2018

Bøkenes verden

Eg les mykje barnebøker for tida. Magnus er blitt så stor at han har glede av ei god historie og […]

september 27th, 2018

Likestilling kjem ikkje av seg sjølv – Plikta til aktivt likestillingsarbeid

Jamfør likestillings- og diskrimineringslova har arbeidsgjevarar, partane i arbeidslivet og offentlege myndigheiter ei plikt til å jobba aktivt og målretta for likestilling. […]