List

Eg har ei kjensle av at nokre menn i Noreg meiner dei har definisjonsmakta når det gjeld kva som er god humor og kor grensa går mellom trakassering og vitsing, skreiv eg i samband med  8. mars i denne vekas utgåve av Dag og Tid. 

”Kva er gulltrusa, liksom?” spurde VGs sportsjournalist Therese Johaug. Han kom openbart til å lura på kva undertøy kvinnelandslaget hadde på seg under VM, og nølte ikkje med å spør. Pinleg latter. Når ein svensk journalist karakteriserte trusespørsmålet som plinleg sexisme og plump humor, så var der straks ein mannleg professor på banen som kan opplysa oss om at svenskane er pripne, politisk korrekte og humørlause.

I sommar fekk Radioresepsjonen kritikk for at tre godt vaksne menn fann det for godt å karakterisera ei 19-år gamal kvinne som ei ”knulledokke”, midt i beste sendetid. Kritikken vart blankt avvist. Dette var humor. Det einaste programleiarane orsaka var at kritikarane ikkje skjøna seg på ”bruk av ironi og improvisasjon som sjangervirkemiddel”.

No i forkant av 8. mars, skriv komikar Sigrid Bonde Tusvik om korleis redaktøren hennar plar slå fast at dei smarte sketsjane hennar ikkje er morosame nok, og be ho laga sketsjar ”basert på slapstick og tykkfallen nakenhet”. I staden for å akseptera redaktøren si forståing av kva som er morosamt, har Tusvik byrja laga eit helvete på kvar einaste redaksjonsmøte.

Helvete er det kanskje fleire av oss som burde laga. Eg får nemleg ei kjensle av at nokre menn i Noreg meiner dei har definisjonsmakta når det gjeld kva som er god humor og kor grensa går mellom trakassering og vitsing. Kvinner, feministar, svenskar og andre kjerringar, kan berre stå der i surtrusa og klaga. Dei får berre tåla at andre har det moro, sjølv om dei openbart er ute av stand til det sjølv.

Å kritisera bodskapen i eit humorinnslag er ikkje det same som å mangla humor, men viss nokon meiner det er det, så kall meg gjerne sur. Eg klaskar meg på låret og ler høgt når nokon presenterer god satire og humor med kvess, men eg stiller gladeleg opp i surtrusa, så lenge sexisme passerer uimotsagt som humor.

I år vil eg gå i 8. marstog for å hevda min rett til å vera med og definera kva som er god humor og kva som er sexisme. Eg vil hevda min rett til å kritisera og problematisera sexistiske ytringar, anten ytringane kjem i form av sketsjar, humorprogram eller avisartiklar. Konstruktiv kritikk til VG, Radioresepsjonen og andre sytemiklar: det er berre å skjerpa seg. Finn på ein god sketsj eller eit intelligent spørsmål, så lovar eg å høyra etter og kanskje til og med le høgt!

Denne teksten er inspirert av Ane Lindholt sin tekst «Det er typisk norsk å være sexistisk» publisert på maddam.no og Sigrid Bonde Tusvik «Kjønnslatskapen».

Illustrasjonsbilde: Fittstim helalf.se av Helen Alfvegren, CC BY 2.0

Legg att eit svar

Epostadressa di blir ikkje synleg. Påkravde felt er merka *

  Posts

juni 9th, 2021

På jobb kan eg gå på do åleine

I dag er første dag på jobb etter foreldrepermisjon. Ungen byrja i barnehagen i dag, og eg sit framføre datamaskinen […]

februar 24th, 2021

Permisjonsekspedisjonar 2021

Med ein baby eller fleire på slep blir friluftslivet hakket meir utfordrande enn det elles hadde vore. Fordelen med det […]

februar 16th, 2021

Prima permisjon!

No nærmar det seg eit år sidan eg gjekk ut i permisjon og Noreg like etter stengde heilt ned på […]

februar 16th, 2021

Heving av botidskravet for permanent opphold truer rettsstaten

7. desember 2020 vedtok Stortinget at botidskravet for permanent oppholdstillatelse heves fra 3 til 5 år, med umiddelbar virkning. Denne […]

desember 23rd, 2020

Pepperkakespesial 2020

Alle i heile verda er vel samde om at det er ein ting som har sett sitt preg på 2020, […]

desember 20th, 2020

Skrivelyst

Då eg var barn hadde eg lyst til å skriva. Ein gong på 80-talet, i god tid før eg vart […]

desember 9th, 2020

Kollektiv kvalitativ analyse – ein metode i fire trinn

Som doktorgradskandidat hugsar eg at eg kjente meg overvelda og rådlaus den dagen eg hadde samla inn alle data og […]

november 27th, 2020

Voldsutsatthet blant skeive med innvandrerbakgrunn

Forskning og politikk på vold i nære relasjoner har de siste 40 årene hatt et tydelig fokus på kjønnsforskjeller, og […]

november 11th, 2020

No er me her igjen og tida mellom virkar så kort

No er me her igjen. Landet – og mykje av livet – er stengt ned, stengt inne, stengt. Plutseleg virkar […]

oktober 30th, 2020

Portvakt og kvalitetssikrar – om fagfellevurderingar i akademia

Gjennom mitt virke som forskar har eg etterkvart brei erfaring med å både å 1) senda inn eigne artiklar til […]