List

Som kjent har familien endra status frå Steigværingar til innbyggarar i Bodø. Her bur me i Steggveien. Det tidlegare ungkarsredet til Marius har fått eit innrykk av barneleker, bleiedunkar, stellebord, ein og annan kjole i skapet og endå meir turutstyr. Det er blitt ein småbarnsheim, rett og slett. La meg gje dykk ei lita omvisning:

IMG_4590

Her er Marius på kjøkkenet. Han er i permisjon for tida og steller heime. Så når eg kjem heim frå arbeid, så får eg leka med Magnus medan Marius lagar mat. Som regel er det fisk frå Steigen på menyen. Det er som Halvdan Sivertsen syng: «Og fisken i havet, og fisken i havet, han er vårres brød!»

IMG_4596

Det er ikkje den heilt store utsikta me har i denne heimen. Utsikta frå Sjåvika er djupt sakna. Men barnevennleg er det, med lekeplass for ungar i alle aldrar. Og det kunne vore verre – ei trafikkert gate til dømes.

IMG_4592

Som foreldrar er me i underhaldningsbransjen. Marius illustrere den eigenkomponerte baby entertainment system: Vippestol, vippestolleke, bia og uroen. Med denne riggen fekk Marius høve til å gjera ein heil masse i huset, konstaterte han nøgd.

IMG_4608

I same babysjanger: vaske, vaske, vaske på babytøy og handklede som er tissa ut. Dessutan har Magnus fått seg nokre flotte badeender frå Coopen.

IMG_4402

Småbarnsheim som sagt. La meg få presentera gjengen. Frå høgre: Lena Laffen, Kristin Kjøter, vår alles Einar Elefant, Transebamsen. I bakre rekke til venstre har du Klara Kanin, Helene Harefrøken, Pink Panter (fekk i ein perioden kallenamna Piss Panter og Stinky Pinky etter ei noko kaotisk og blaut natt). Heilt til venstre har du Dina og framføre er hunden Loke. Ein fin gjeng som me har mykje moro i lag med!

IMG_4619

Telefon og fiber – dekning inne i stua – det må vera ein av dei største endringane frå livet i Sjåvika. Ikkje fullt så sjarmerande som å vandra i fjæresteinane for å snakka i telefonen, men noko meir praktisk. Eg har kasta rømmeboksen i ringevinduet (burde eigentleg vore utstilt på Televerkets museum).

IMG_4613

Her med tekoppen på verandaen. Ikkje verst å ha ein veranda! Sommaren er på hell, men med bygdeblazeren på går det vel an å sitta ute barbeint littegrann.

IMG_4610

Velkommen på besøk til oss i Steggveien 14. Her er ikkje all verdas ekstra soverom, men masse hjarterom!

Legg att eit svar

Epostadressa di blir ikkje synleg. Påkravde felt er merka *

  Posts

november 19th, 2017

Nordsia

Bodø er eit nes som stikk ut i havet mot Sør-Vest. Me bur på Mørkved – på sørsida av neset. […]

november 16th, 2017

Ungdatakonferansen 2017: Skeiv på bygda

Den årlege Ungdatakonferansen gjekk av stabelen i går. Velferdsforskningsinstituttet NOVA var arrangørar og gjennomførte ein fantastisk bra og relevant konferanse […]

november 12th, 2017

Best på bygda eller i byen?

Korleis er det å voksa opp i byen og på bygda? Kor er det godt å voksa opp? Dette er nokre […]

november 5th, 2017

Out of Time

Kva betyr det å bli gamal? Og kvifor er det så vanskeleg å vedkjenna seg og vera i vår eigen […]

oktober 29th, 2017

Eldrebølgja

14,6 prosent av den norske befolkninga er over 67 år, og fram mot 2060 er talet venta å stiga til […]

oktober 23rd, 2017

Om kjærleik og landegrenser

For dei av oss som har funne kjærleiken på tvers av landegrenser er det ikkje berre å gifta seg og […]

oktober 17th, 2017

Kan ikkje klaga

Dei siste to åra har eg hatt gleda av å delta i eit forskingsprosjekt om heimebasert eldreomsorg. Me har intervjua […]

oktober 3rd, 2017

Landegode

Øya Landegode er eit landemerke utføre Bodø. Eg har passert øya på utallige båtturar frå Steigen. I Sjåvika kunne me […]

september 28th, 2017

Fornorsking av kontantstønaden

Heilt sidan kontantstønaden vart innførd i 1998 har ordninga vore omdiskutert, og debatten har blussa opp igjen kvar einaste gong […]

september 19th, 2017

Tapar gutane?

Gutane tapar i skulen. Påstanden er på ingen måte ny, men har blitt aktualisert av at Torbjørn Røe Isaksen har sett […]