List

Friområdet nedføre huset vårt heiter Skagen, og ytst på neset heiter det Mørkvedodden. Blant lokalbefolkninga er området mest kjent som Mørkvedbukta og det er fast plass for lufting av hunden for dei fleste i nabolaget. For oss er det den beste leikeplassen i området, spisestue på ein godvêrsdag og ei tilgjengeleg naturoppleving i kvardagen.

IMG_7084

Det tek mindre enn 15 minutt å gå med vogn eller meis frå huset og heilt ned til havet. Det vil seia at me ikkje treng å ha meir enn ein time tilgjengeleg for at det skal vera verd turen ned med ungen i stadenfor å leika på leikeplassen i byggefeltet. Og den nærleiken kjem god med i kvardagen!

IMG_6930

I dag for eksempel, var Magnus og eg på middagstur med Aase Kristine, Cathrine og ungane. Jammen greidde me ikkje å få sju stykk ut på tur – med suppe, fiskekaker, rosiner og stein i havet – rett etter ein lang dag på jobb og i barnehagen. Gøy i byggefeltet!

IMG_0910

Frå Skagen har me utsikt rett sørover mot Bodøs landemerke, Børrvasstindan, nett som heime frå stua. Men i tillegg ser ein ut Saltenfjorden mot Småtindan, Sandhornet og Fugløya.

IMG_0900

Mot aust ser ein tindane i Sulitjelmamassivet og mot nord Steigtind, Heggmotind og innover Sjunkhatten nasjonalpark. Berre rett inn mot land ser ein inn mot hustaka i byggefeltet.

IMG_0903

Om våren er Skagen dekka av Raudsildre og seinare Reinrose. Dette er fjellplantar i Sør-Noreg, men her veks dei nesten nedi fjæresteinane. På sommaren er det høgt gras og blommeeng.

IMG_6982

IMG_6967

Sjølv om dei aller fleste ferdes på Skagen og ytst på Mørkvedodden, i alle fall dersom ein skal døma etter stiane, så går det an å gå ganske langt langsmed sjøen. Der er eit nydeleg friareal som strekk seg mot Fenes, forbi stader med dei klingande namna Kalvhagosen, Sandskjæret, Perbukta og Bertnesbukta. Eit steinkast innover land frå flomålet ligg andelslandbruket på Fenes som me er medlemmar av. Her haustar me for tida lokale grønnsaker ein gong i veka, men det får eg visa fram ein annan dag.

IMG_6964

IMG_6971

 

 

Legg att eit svar

Epostadressa di blir ikkje synleg. Påkravde felt er merka *

  Posts

juli 2nd, 2019

Omsorg og nypoteter

Stortinget har vedtatt en ambisiøs reform for norsk eldreomsorg – Leve hele livet. Her slås det fast at aktivitet og […]

juni 20th, 2019

Om molter og meininga med livet

I august, for eit par år sidan, vandra eg opp ei fjellside i Beiarn med ei tilitersbøtte i handa. Sola […]

juni 18th, 2019

Tematisk analyse – metodeartikkelen som løyser alt

For eit par månader sidan fann eg metodeartikkelen som løyser alle (eller i alle fall eitt av) mine problem: «Using thematic […]

juni 17th, 2019

Du kan aldri vera trygg – ny politikk for tilbakekall av flyktningstatus

16. mai kom Justisdepartmentet med ein ny innstruks til UDI som inneber ei drastisk endring av norsk asylpraksis. Dette har […]

juni 6th, 2019

Når vi sier rasisme og homofobi, hvorfor hører du bare homofobi?

Hovedfunnet fra et forskningsprosjekt om levekår blant skeive med innvandrerbakgrunn er at folk risikerer å bli møtt med både rasisme og […]

mai 27th, 2019

Jeg lever et liv som ligner deres

I påska las eg boka «Jeg lever et liv som ligner deres» av Jan Grue, og sidan har eg entusiastisk […]

mai 20th, 2019

Alene og skeiv

Elisabeth Stubberud og Deniz Akin har skevet en viktig rapport om livssituasjonen til skeive enslige mindreårige asylsøkere i omsorgssentre og asylmottak. […]

mai 12th, 2019

Privatbilisme – en ukrenkelig rettighet?

I 2008 var jeg i Alaska sammen med klassen fra Alta Folkehøgskole (den gangen Øytun Folkehøgskole). Vi landet på flyplassen […]

mai 7th, 2019

Å skrive på en ny måte

Etter en intens og stressende skriveperiode i vinter, pådro jeg meg såkalt tennisalbue. Det gjorde vondt i armene og alle […]

april 6th, 2019

Miljøfitte

Gjennomsnittskvinna brukar visstnok om lag 10.000 bind og tampongar i løp av livet. I løp av dei vel 40 år […]