List

Endeleg var det på tide med hyttetur og skihelg og fleire dagar heilt utan ungen. Mang ei helg siste halvanna året har eg sett mot dei snødekte fjella full av lengt etter å vera på tur med Eli og Katrine.

Hurra! Hyttetur med Eli i Beiarn, og ettersom Katrine var nett heimkomen frå i Alaska fekk me med oss Hanne. Medan eg venta på at dei andre skulle henta meg på fredag ettermiddagen oppførte eg meg som ein fuglehund har sett eigaren ta på seg turkleda. Kom dei ikkje snart? Jo!

On the road again! Me spurta innom butikken, handla mat og øl og suste avgarde til Beiarn i strålande måneskin. Det var 18 minusgrader då me tok av frå vegen i Beiarn og snirkla oss opp fjellsida mot hytta. Kaldt og deilig og ikkje snurten av den sure austavinden som alltid dreg over Bodø.

Innan berre få timar var det plussgrader i hytta og pølse og pils på bordet. Å vera vaken til midnatt utan å uroa seg over at ein må stå opp klokka fem eller før! Samanhengande søvn frå tolv til åtte. Halleluja!

DSC08580

Eg og dei tøffe skikøyrarane i turfølget mitt greidde å oppdriva litt fin snø, sjølv om det var banke hardt og avblåst dei fleste stadene etter mest to månader utan nedbør. Eit par fine svingar i launssnø vart det, sjølv om teknikken er rusten etter ikkje å ha stått på telemark på to år.

«Me fyrer vel eit lite furubål?» spurde eg då sola skein i bakken og det plutseleg var heilt vindstille mellom trea. «Klart det», meinte Eli og bryja klatra opp i furutrea for å bryta av nokre solide greiner. Og så satt me der på ein sofa av snø og kjende sola varme. Eller i alle fall trudde me sola varma. Då bålet brann ned viste det seg at varmen kanskje først og fremst var strålevarmen frå bålet.

DSC08579

Kvar gong eg er på tur med Eli, så speler Halvdan Sivertsen opp til dans: «Hver gang vi møtes, har vi det bra! Vi e venna for livet – sånne e gode å ha!». Det er kjekt med unge, men det er jammen kjekt å vera litt utan også.

Og då eg kom heim den kvelden, var det som om Magnus fullstendig hadde gløymt at han brukar villa ha pupp når mamsen kjem heim. Ser man det! Ferdig med amming. Hurra!

2 Responses to “Tid for ski!”

  1. Bodil Flikke Hestvik

    Kom gjerne på besø og overnatting til oss på hytta på Fiplingdalsmyra ! Velkommen! Hilsen Bodil Flikke Hestvik!

  2. torbjørn

    Kjekt å lese

Legg att eit svar

Epostadressa di blir ikkje synleg. Påkravde felt er merka *

  Posts

september 18th, 2018

Kortreist mat

På måndag hadde Magnus og eg ein super ettermiddagsaktivitet: Me sykla til Fenes for å hausta av markens grøde. Berre […]

september 4th, 2018

Mørkvedodden

Friområdet nedføre huset vårt heiter Skagen, og ytst på neset heiter det Mørkvedodden. Blant lokalbefolkninga er området mest kjent som […]

august 29th, 2018

Berg og båre brytes

Allereie midt i august kom den første sørveststormen inn over Bodø. For oss som er nye i nabolaget var det […]

august 29th, 2018

Menns vald mot ciskvinner og transkvinner

I sommar har der vore offentleg debatt om transpersonar sin tilgang til offentlege garderobar. I feministiske krinsar, mellom anna på […]

august 19th, 2018

Ingen skam å snu – endelig håndheving av forbudet mot seksuell trakassering

2. juli 2018 år sendte Barne- og likestillingsminister Linda Hofstad Helleland et historisk lovforslag på høring: I følge forslaget skal […]

august 13th, 2018

Klimaangsten

Klimaet endrar seg på grunn av klimagassutslepp. Endringane er menneskeskapte. Dette har vore allmen kjend så lengje eg har levd, […]

august 8th, 2018

Givær

Givær er ei lita øygruppe i Vestfjorden som ligg langt ute i havet, omlag tre mil vest for Bodø. Hovudøya, […]

juli 20th, 2018

Gamle sangar om igjen – kvotespørsmålet i foreldrepermisjonsordninga

Foreldrepengar og fedrekvote må vera det kjønns- og likestillingspolitiske spørsmålet som har ført til mest debatt dei siste 25 åra. […]

juli 12th, 2018

Flukt, splittelse, konsekvenser – funn fra internasjonal og norsk forskning på familieinnvandring

Over hele Europa blir hensynet til integrering brukt som et av argumentene for å stramme i regelverket for familieinnvandring. Et […]

juli 8th, 2018

Gratulerer med dagen!

Marta Vassbø, min kjære mamma, fyller 60 år i dag. Gratulerer og tre gonger tre hurra! Som de ser er […]