Fridas kake med Leas vri
- 200 g smør
- 200 g sukker
- 4 egg
- 1 ts bakepulver
- 150g mjøl
- 60 g mandelmjøl
- 1 ts vaniljesukker
- Frukt/bær
Ta smøret ut av kjøleskapet i god tid før baking slik at det blir mjukt (dette gløymer eg alltid og må dela opp hardt smør med ostehøvel og setja bakebollen i lunka vatn ei stund). Rør saman smør og sukker. Rør inn egga. Bland det tørre og rør inn dette også. Fyll kaka i ei form og dytt oppi diverse frukt eller bær. Her er nokre døme:
- Rabarbra frå likørproduksjonen, karamellisert rabarbrasyltetøy og litt aprikoskompott
- Blåbær
- Eplebitar og aroniagele
- Rips
Steik kaka på 180 grader i omlag éin time. Du kan gjerne servera med is, piska krem eller mascarponekrem. Det går også an å laga som muffinsvariant.
Foto: Helga Eggebø
Publisert med løyve frå Frida og Lea.