List

“Då e dæ altså sånn at dæ bi en liten intimkonsert mæ Magnus Eliassen (Sirkus Eliassen) og Fredrik Olsen (Kråkesølv) på Myrset i kveld. Inngang kr. 50, og ta med egen drikke om du sku ha løst på nå sånt! 😀 Kommer tilbake til eksakt tidspunkt. Kommer du? :-)”.

Denne meldinga sendte Karoline meg på måndag, nett i det eg skulle ut på skitrening. Intimkonsert hjå Karoline, her i Steigen, på ein måndag, sånn plutseleg? Eg skjøna ingenting, men svara straks: “Klart eg kjem!” Direkte frå distriktet kan eg melda at det gjorde omlag 20 andre Steigenværingar også denne måndag kvelden.

Intimkonsert Steigen (4)

Måndag og tysdag var musikarane Magnus Eliassen og Fredrik Olsen i Steigen for å spela på skulane her i kommunen, som ein del av den kulturelle skolesekken. Karoline hadde vore der for å dekka saka for lokalavisa Nord-Salten, og plutseleg hadde ho og Hege invitert dei til å halda konsert heller enn å sitta på Vertshuset og glo den kvelden. Kven kan vel seia nei til eit sånt tilbod?

Intimkonsert Steigen (6)

Ettersom vatnrøyra hjå Karoline viste seg å ha frose den dagen (-8 og kuling frå aust), så vart konserten heller hjå Stina. Ein ekstra sofa vart sett inn i stova, eit reinskinn plassert på golvet, ein god del stearinlys tent og nokre kjøkkenstolar sett fram til artistane. Vips var huset på Saur gjort om til konsertlokale.

Intimkonsert Steigen (12)

På jobb tidlegare på dagen hadde eg tenkt at eg treng ein skitur. Men det viste seg at det var konsert eg eigentleg trengte. Tekstane til Magnus Eliassen og Fredrik Olsen handla om alt eg har gått rundt og tenkt på dei siste dagane: Livets tilfeldigheiter, å bli vaksen og finna ut kva ein skal gjera med livet sitt, den blaserte innstillinga ein nokon gonger har til verdas grusomheiter, å leita etter kjærleiken og om å prata med dei ein er glad i.

Intimkonsert Steigen (13)

Det handlar om kva det vil seia å vera menneske. Dei store spørsmåla i livet. Det er verkeleg kunst når det rører ved ein, når det treff eit eller anna, når ein får ei innsikt som den vanlege praten aldri kan gje, når ein kjenner seg verkeleg i livet og til stades. Er det ikkje derfor ein driv med musikk?

Intimkonsert Steigen (9)

Intimkonsert på ein måndag. Det er sånt som plutseleg skjer i Steigen. Den vakre naturen er rundt oss kvar einaste dag, men før ein veit ordet av det kan den vesle kommunen vår by på store kulturopplevingar.

Tusen takk til Magnus og Fredrik for ei magisk musikk på ein måndag!

IMG_5887

Foto frå konserten: Fotograf Karoline Pettersen.

Naturfoto: Helga Eggebø.

 

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]