List

I vinter ein gong, i Sjåvika, hadde Marius og eg fått det føre oss at no skulle Magnus få bli med på sin første utemiddag. Me lassa vogna opp med ved, laga ein stor porsjon med blodpannekakerøre og pakka pikkpakket og strena ned i fjæresteinane. Barn ingen hindring, hæ! Kameraet vart med for å dokumentera det heile, sjølvsagt.

IMG_3146

Men ungen var sur og ville ikkje sove i vogna når vogna ikkje gjekk an å trilla fordi der var 30 cm snø. Og veden var endå surare, så det vart ikkje fres på bålet. Og vinden vart surare og surare. Marius og eg var svoltne og bala verre med å steika ei einaste pannekake, før me tok til fornuft og kasta inn handkleet: Me steikte resten av pannekakene inne. Dobbel oppvask og heilt utslitne av den affæren. Ikkje var det noko kjekt å stå der ute i snøen, blæsten og røyken. Ingen skam å snu! som det heiter.

IMG_3143

Det tok litt tid før me prøvde oss på barsel og bål igjen. Men så ein dag tok me turen, og hadde det så problemfritt at eg ikkje hugsar heilt verken kor eller kva tid det var.

IMG_3767

I sommar, då finvêret endeleg kom, skulle me endeleg få gjort de eg hadde drøymt om sidan lenge før Magnus vart fødd: telttur med ungen. Eg hadde tenkt på det heile våren, men lenge var det så kaldt, og så søv hand så dårleg om nettene og så vart det ikkje. Men no, no skulle me på tur!

Me pakka oss ut – det tok ganske mange timar – og køyrde til Kjerringøy. Kjerringøy er også eit konsept eg har venta så lenge på å oppleva. Du veit Halvdan-sangen: “Å gå i land på Kjerringøy….”. Eg hadde sett det føre meg så mang ein gong. Litt slitne var me etter all flyttinga, men me kosa oss ganske bra på sightseeing på handelstaden på Kjerringøy kor me stakk innom før turen.

IMG_4239

Kjerringøy er bratt og dramatisk. Der er eit par meter mellom havet og vegen og så eit par meter mellom vegen og bergveggen. På dei metrane stod der sjølvsagt allereie telt tett i tett lenge før me kom. Me leita og leita, og til slutt fant me ein flekk på eit ganske fint svaberg ut mot Vestfjorden. Eg trur dei fleste rundt oss hadde tidenes sommardag. Det var strålande sol frå skyfri himmel, varmt og nesten ikkje eit vindpust. Det nordnorske landsskapet strålte i all sin prakt. Men ved det der teltet, utan skugge og utan vind og med ein stuptrøytt unge tekte eg følgjande: Kvifor oppsøkja noko som liknar ein flytkningleir når ein ikkje må? Solsteik, telt og hylande unge er ikkje min definisjon på idyll.

Marius laga middag i ein fei medan eg bar rundt på Magnus for å få han til å sove. Me hadde ikkje før svelt unna maten før me såg på kvarandre og slo fast: det er på tide å evakuera heim til leiligheita. Me pakka, heiv oss i bilen, køyrde avgarde og mista ferga med 5 minutts margin. Ingen skam å snu! som det heiter.

Det gjekk nokre veker før me prøvde oss på telttur igjen. Sol og sommar var jo openbart ikkje tingen. Og så må det helst ikkje regna. Og så må ein ikkje vera alt for sliten. Og så må ein ikkje vera vekkreist. Men plutseleg heiv me oss rundt denne laurdagen, mota oss opp, pakka til tur og prøvde igjen.

IMG_4673

Me kunne konstatera at kuling og 10-12 grader er langt meir opptimale tilhøve for telting. Det blåste ikkje så veldig i skogen og teltet vart verken veldig varmt eller veldig kaldt. Ungen var det ikkje noko problem å få til å sova i teltet, verken ettermiddagslur eller på natta. Me fekk båla om kvelden og sova ute for første gong på 10-11 månader. Fantastisk deilig! Magnus elska det, og det var ikkje meir styr enn me fint kan leva med.

IMG_4670

Foto:  Helga Eggebø og Marius Skaiaa.

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]