List

68 prosent av kvinnene og 73 prosent av mennene i Noreg er ein del av arbeidsstyrken. Det betyr at så godt som halve arbeidsstyrken i Noreg er kvinner (47 %). Dette er høgt i internasjonal samanheng; når det gjeld deltaking på arbeidsmarknaden er Noreg nummer 13 på lista, jamfør Global Gender Gap. At kvinner deltek i arbeidslivet på likefot med menn løner seg for samfunnet. Auka i kvinners sysselsetting frå 1972 og fram til i dag betyr ei auke i Noregs brutto nasjonalprodukt på 3,3 billionar.

Lågare timeløn

Men kvinner får mindre uttelling for sitt bidrag til fellesskapet enn det menn gjer: Kvinner si gjennomsnittlege timeløn utgjer 88 prosent av menn si.

Skilnaden er endå større når ein samanliknar menn og kvinner som har barn: Mødrer har ei timeløn på 83 prosent av fedrar si løn. Kjønnsskilnadene er dessutan større jo høgare opp i stillingshierarkiet ein kjem. Medan låglønte kvinner tener 6 prosent mindre enn låglønte menn, tener høglønte kvinner heile 20 prosent mindre enn høgtlønte menn.

Kjønnsdelt arbeidsmarknad

Ein del av forklaringa på dei store lønnsforskjellane mellom menn og kvinner er at menn flest arbeider i yrker som er betre betalt. Den norske arbeidsmarknaden er nemleg svært kjønnsdelt. Kvinner dominerer inannfor helse, sosialt arbeid, undervisning og tenesteyting. Innan helse, pleie- og omsorgstjenester er 81,5 prosent av alle tilsette kvinner. I næringar som bygg og anlegg, olje, jordbruk og industri jobbar det neste berre menn. Faktisk er det berre 15 % av oss som arbeider i kjønnsbalanserte yrker (minst 40 prosent av kvart kjønn). I offentleg sektor er kvinner overrepresentert med godt over 60 prosent av dei tilsette, og her har faktisk kvinnedominansen auka sidan slutten av 90-talet og fram til i dag.

Stillstand?

Hovudbildet er at kjønnssegregeringa i det norske arbeidslivet har holdt seg nokså konstant i løp av dei siste 20 åra.  Men der er også tendensar til endring. Kvinner utdanner seg i større grad til mannsdominerte jobbar som gjev høgare lønn og status. Men på den andre sida er det lita endring blant mennene fordi få gutar utdannar seg til kvinnedominerte yrke innanfor til dømes helse- og omsorg. Menn med innvandrarbakgrunn derimot, vel mindre kjønnstradisjonelt enn dei med majoritetsbakgrunn. Stadig fleire menn med innvandrarbakgrunn arbeider i kvinnedominerte yrke som reingjering og pleie og omsorg. Dei yngre vel dessutan mindre kjønnstradisjonelt enn dei eldre, men kjønnsdelinga aukar igjen ved 35-40 års alder.

Fleire menn til helse og -omsorgsyrke

Dersom utdanningsval og arbeidsmarknaden skal bli mindre kjønnssegregert, må unge gutar og menn i større grad velja utradisjonelt. Framskrivingar tyder på at det i framtida vil bli færre jobbar innanfor tradisjonelt mannsdominerte arbeidarklasseyrker slik som industri og handtverk. Innanfor den kvinnedominerte pleie- og omsorgsektoren derimot, vil det bli behov for stadig fleire hender i framtida. Å gjera noko med kjønnssegregeringa i arbeidsmarknaden kan bli heilt avgjerande for å sørgja for at folk har ein jobb å gå til og at der er nok folk til å gjera viktige pleie- og omsorgsoppgåver.

I Rogland har prosjektet “Menn i helse” – som tilbyr omskulering og fagbrev i helse- og omsorg – slått godt an etter oljekrisa. Mange menn ønskjer seg ein trygg og meiningsfylt jobb i omsorgssektoren heller en å risikera konjuktursvigningar og arbeidsløysa i ei “fossil” bransje.

Illustrasjonsbilde: Likelønn nå – sykepleier av Oslonatt, CC BY-SA 2.0

Kjelder:

Legg att eit svar

Epostadressa di blir ikkje synleg. Påkravde felt er merka *

  Posts

desember 6th, 2018

Levekår blant skeive med innvandrerbakgrunn i Norge

Lesbiske, homofile, bifile, transpersoner og interkjønnpersoner med innvandrerbakgrunn risikerer å bli utsatt for diskriminering på grunn av seksuell orientering og […]

november 28th, 2018

Sosial omsorg − fra blind flekk til sentralt innsatsområde i hjemmebasert eldreomsorg?

Sosial omsorg er en blind flekk i den hjemmebaserte eldreomsorgen, hevder Mai Camilla Munkejord, Walter Schönfelder og jeg i en […]

november 22nd, 2018

Nei, abortlova er ikkje diskriminerande

Abortlova er diskriminerande, har Erna Solberg påstått, som eit argument for å endra §2c. Påstanden har fått vind i segla […]

november 18th, 2018

Kvinner som møter i nemnder

Tusenvis av kvinner og menn demonstrerte i går til støtte for abortlova, og for kvinners rett til sjølv å bestemma […]

november 13th, 2018

Sumaya samtalar med Zeshan Shakar

I går var eg blant dei over hundre menneska som kom til Stormen bibliotek i Bodø for å ta del […]

november 4th, 2018

Søndagstur til mor

Eg kunne mest ikkje hugsa sist eg var på topptur. Det har blitt mykje barnevennlege turar. Stort sett kjekt det, […]

november 4th, 2018

Likeløn – frå aksjon til byråkratisk standard

24. oktober gjekk “Likelønnsaksjonen” av stabelen rundt om i landet. Aksjonen sett fokus på det faktumet at kvinner i snitt framleis tener […]

oktober 24th, 2018

Heime i Stabburshaugen

I juni i år flytta me inn i det nye huset i Stabburshaugen. Der er ganske mange som har vore […]

oktober 7th, 2018

Bøkenes verden

Eg les mykje barnebøker for tida. Magnus er blitt så stor at han har glede av ei god historie og […]

september 27th, 2018

Likestilling kjem ikkje av seg sjølv – Plikta til aktivt likestillingsarbeid

Jamfør likestillings- og diskrimineringslova har arbeidsgjevarar, partane i arbeidslivet og offentlege myndigheiter ei plikt til å jobba aktivt og målretta for likestilling. […]