List

Arbeiderpartiets migrasjonsutval, med Masud Gharahkhani i spissen, skal på studietur til Danmark, mellom anna, for å la seg inspirera til ny og endå strengare innvandringspolitikk. Politik melder 4. februar at danske sosialdemokratar vil avskaffa moglegheita til å søkja asyl i Danmark.

Danmark har lenge vore berømt og berykta for ei rekke reguleringar som gjer det svært vanskeleg å få familieinnvandring. 24-års aldersgrense, bankgaranti på over 50.000 kroner og det såkalla “tilknytingskravet” er blant vilkåra som fører til at mange barn blir skilt frå foreldra og at mange unge par lever i eksil i Sverige.

I januar meldte Avisen DK at den danske regjeringa vil fjerna det omstridte tilknytingskravet. “Tilknytingskravet” seier at ekteparet må ha sterkare samla tilknyting til Danmark enn til eit anna land. Dette blir vurdert etter 7 punkt:

  1. Kor lenge ektefellene har budd i Danmark til saman
  2. Om ein har familie i Danmark
  3. Om ein har mindreårige barn i Danmark
  4. Om du har gått på skule i Danmark
  5. Kor lenge du har jobba i Danmark
  6. Om du snakkar dansk
  7. Tilknyting til andre land

Denne lista har ført til at mange etnisk danske statsborgarar som har budd ein periode i utlandet, ikkje har sjans til å få ektefellen sin til Danmark. Derfor vil regjeringa endra reglane. Dei ønskjer at etnisk danske borgarar skal sleppa problema med tilknytingskravet, medan det skal bli endå vanskelegare for andre grupper.

Her er dei nye krava.  (flyktningar unntatt):

  1. Den som søkjer familieinnvandring må
    1. Kunna engelsk på eit visst nivå eller bestå prøve i Dansk 1
    2. Ha jobba eller vore sjølvstendig næringsdrivande 3 av dei siste 5 åra
    3. Ha tatt utdanning i minst ett år på eit nivå som tilsvarer dansk vidaregåande
  2. Personen ein søkjer familieinnvandring med må
    1. Ha bestått danskprøve på nivå 3
    2. Ha jobba minst 5 år i Danmark
    3. Ha studert minst 5 år i Danmark
  3. Det skal ikkje vera mogleg å få familieinnvandring for den som bur i eit såkalla utsatt buområde kor det bur mange menneske som ikkje er i arbeid.

Kort fortald. Dei som giftar seg med ein utanlandsk borgar må ha utdanning, jobb og ikkje bu i nærleiken av fattigfolk utan arbeid, og dessutan vera gift med ein person med utdanning, arbeidserfaring og språkkompetanse. Elles kan dei berre gløyma å få bu i lag i Danmark.

Illustrasjonsbilde: Masud Gharahkhani, Buskerud Arbeiderpartiet, CC BY-ND 2.0.

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]