List

Det er 10 år sidan eg trefte Katrine Berg-Hansen og Eli Børve. Det skjedde på Cirkum Polare – eit halvårskurs i regi av Alta Folkehøgskole (den gongen Øytun), og me bestemte oss for å ta kvarandre med vidare i livet. I 2018 er me 10 år eldre, mange felles teltdøgn rikare og moglegvis endå meir glade i kvarandre!

IMG_6133

10-årsjubileet skulle sjølvsagt feirast med ein jubileumstur, og turen gjekk, etter planen, til Væran utføre Bodø. På 17.-mai tok me båten ut til Helligvær, dagen etter til Givær og så var planen Landegode.

IMG_6099

Etter ca ein times båttur frå Bodø hurtigbåtkai gjekk me i land på Helligvær (eg skal fortelja meir om dette været i ein annan blogg). Dessverre var me litt for seint ute til 17.-maifeiringa i været. Elles skulle me ha snikt oss med og feira dagen på ei øy i havgapet slik me tidlegare har gjort både på Loppa og i Nuvsvåg.

IMG_6101

Ettersom det var jubileumstur og luksuscamping hadde me teke med oss Jerventeltet til Marius. Eit fabelaktig telt som stod pålestøtt i vinden, har ståhøgde i midten og på alle måtar funka veldig bra til føremålet!

IMG_6104

Tradisjonen tru laga me blautkake: Ferdigbotn, frosne skogsbær i pose og fløyte piska stiv ved å rista han i flaska med ein liten stein i. Denne gongen pynta staseleg med lys, fakkel og syltetøy! Tips: kaka bør stå eit par timar, gjerne over natta for at den ferdigkjøpte kakebotnen skal bli blaut og god.

IMG_6180

IMG_6107

IMG_6109

IMG_6110

Og ein whiskytår må ein som kjent ha i teltet. Her minnest Katrine den gongen i Børgefjell kor Eli kom i skade for å ta seg litt for mange whiskystøytar på tom mage og vart liggande og spy i kuldegropa halve natta.

IMG_6165

IMG_6153

IMG_6172

IMG_6130

IMG_6116

På Helligvær stod vinden på sørvest, slik han sikker gjer mesteparten av tida i havgapet utføre kysten. Ekte maistemning i Nordland – det var nesten varmt og godt i stillongs og skallklede. Me tok oss ein runde på øya.

IMG_6220

Dagen etter stod Givær for tur. Endå lengre ute i havet, endå mindre og endå meir vind. Sjølve hovudøya i været er å litan at det mest er utruleg at der bur 14 fastbuande her (meir om Givær i ein seinare blogg!).

IMG_6226

Pølser og pils i rorbua på Givær og me har me ei mimrebok som Eli laga for nokre år sidan. Vanvittig så mykje artig me har stelt i stand!

IMG_6246

Den natta stod kulingen på uti vest. Det regna og jamfør yr.no skulle det bli mykje verre dei kommande dagane. Planen om å reisa til Landegode dei tre neste dagane verka ikkje så freistande lengre. Kuling, “økende nedbørsaktivitet” og ingen båtar heim var ikkje den helga me hadde mest lyst til å slå oss ned på yttersida av Landegode. Dermed vart det retrett til byen og omkalfatring i planane.

Eigentleg var det heilt på sin plass at den første samanhengane perioden med vind og regn frå sørvest i heile 2018 skulle koma akkurat den helga me skulle på jubileumstur. Me har vore på utruleg mange turar i lag dei siste ti åra, og har hatt nesten usannsynleg dårleg vêr på dei aller fleste av dei. Perfekt jubileum med andre ord!

IMG_6247

Men etter å ha kome oss vidare austover til hytta i Beiarn, så trur du ikkje det skein opp den kvelden slik at det vart både utemiddag og bålkos!

IMG_6252

Dagen etter var me på tur på Store Stolpen i Tollådalen og på omvisning på villmarkskamp i same dal.

IMG_6254

IMG_6260

IMG_6267

IMG_6262

Det beste med denne jubileumsturen er at me veit så godt at det berre er endå ein tur i ei endelaus rekke turar i lag!

Les meir om turar med Eli og Katrine!

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]