List

Heime hjå meg i Steigen står ikkje kyllingbryst på menyen, verken med eller utan antibiotikaresistens. Her går det an å få tak i heil mat: heil villsau, heil uer eller heil elg, for å nemna noko.

I Oslo har eg hatt stor glede av å handla rimelege, fine og eksotiske grønnsaker på alle importbutikkane som ligg i kvartalet rundt Jens Bjelkesgate. Steigen byr på andre kulinariske og råvaremessige fordelar.

IMG_5548

Frysaren er for tida full av kortreist mat av ypperste kvalitet. Villsau som har gått ute på holmen som ligg ein kort padletur frå huset mitt. Elg som er skoten på Marhaugane, omlag to mil unna. Torsk som eg sjølv har trekt opp av fjorden. Uer, brosme, sei og kveite frå havet utføre Steigen. Blåbær, tyttebær og kreklingsaft, eigenhendig plukka på fjellet rett bak huset. Lys piggsopp og kantarell plukka på veg heim frå jobb. I kjellaren står det sekkar med mandelpotet frå naboen og økologiske gulrøter frå sjølvplukk på Engeløya.

IMG_5297

Og endå er Steigen full av moglegheiter. Nokon selgjer egg. Ikkje slike standardiserte, kvite Prioregg. Men store egg i nyansar frå brungul, til kvit til perlemor. Andre dyrkar grønnsaker sjølv, og deler gjerne eit og anna med naboen. Nokon har bier og selgjer honning. Andre lagar Geiteramssaft og råmelkspudding og tek med på middag.

IMG_5307

I Steigen får eg tak i kortreist, lokalprodusert mat som smakar noko. Fisken er ikkje sendt frå Barentshavet til Kina for filletering. Eg parterer lammet sjølv og spiser det heile, i stadenfor å kjøpa eit lår og lura på om resten av kjøtet er kasta. Gulrøtene kjem i alle fasongar; eg har ikkje kassert alle dei som ikkje var heilt rette.

IMG_5293

Heil fisk blir til både filet og fiskekraft. Eller det beste av alt: nysalta og feite fine uerhau med gul og delikat uerrogn. Eg kjøper ikkje fisk slakta for ei god veke sidan og seld under den misvisande overskrifta “fersk fisk”. Men ein gong innimellom kjøper eg økologisk kvitmuggost frå Kjerringøy. Av beste kvalitet og aroma, på høgde med det beste i utlandet.

IMG_9730

Å plukka bær, fiska, plukka sopp, jakte, partera kjøt, koka fiskekraft. Av og til mykje arbeid, men det fine er at eg aldri spør meg sjølv kva som er meininga med livet når eg står og steller med sånt. Eksistensielle kriser flyter vekk mot horisonten. Å leva det er å eta, og ein må eta for å leva. Så enkelt er det.

 

 

2 Responses to “Heil mat”

  1. Naboens hane i vin - Helga EggebøHelga Eggebø

    […] i vin. Til ein sådan rett er det ikkje unge, møre industribroilarar som er tingen. Ein treng ein heil gamal, tynn og seig hane som […]

  2. Steigen og eg - Helga EggebøHelga Eggebø

    […] er dessutan eit heilt kapittel for seg sjølv: kortreist mat, mataukmani, heil mat eller mat som […]

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]