List

Chaga – på norsk gjerne omtalt som kreftkjuke – har blitt brukt i naturmedisin i mange hundre år. No har chaga fått sin renessanse som vidundermedisin og chagate er å få kjøpt i helsekostbutikkar til svært stive prisar. 

For eit par veker sidan fekk eg servert ein svært velsmakande svart te hjå nokre vener. Sopp? Eg vart ganske forundra då eg fekk høyra at teen var kokt på ein sopp – nærare bestemt kreftkjuke. Ettersom eg er ganske så interessert i mat frå naturen generelt og sopp spesielt, så var det ikkje tvil om at me måtte prøva å finna eit sånt eksemplar sjølv også.

Kreftkjuka er svart og veks på bjørketrær. Det var berre å saga ho av stammen, og deretter spikka ho i passe store bitar og leggja bitane til tørk. Inni er fargen meir brungul enn svart, og soppen er litt hard men porøs.

5976760082_6b9eb1bbd9_z

Chaga har lange tradisjonar innanfor til dømes samisk og russisk naturmedisin. I følgje nokon kjelder, er det ikkje måte på kva denne soppen kan kurera: alt frå kreft, HIV og AIDS, Alzheimers, til angst, Parkinson, leddgikt, smerter og forkjølelse.

I Canada har visst chagaens popularitet teke heilt av. Her får ein det servert over disk på alle tenkelege økologiske og helsekostorienterte cafear. Folk har dessutan teke saga i eiga hand i så stor grad at ein ei stund vurderte å forby hausting av chaga.

Urtekilden tilbyr ei omfattande skildring av tradisjonell bruk og alle moglege virkeområde chagaen kan ha. Nifab – et statlig nettsted som tilbyr kunnskapsbasert, upartisk informasjon om alternativ behandling – er meir kritisk til eventuelle medisinske effektar av chaga, men finn heller ikkje noko som skulle tyda på at soppen kan vera skadeleg.

Teen er god den, og sjølv syns eg det er litt ekstra stas med heimelaga te av sjølvplukka sopp. No blir det chaga utover hausten og vinteren! Her er ei oppskrift på korleis ein lager eit passande brygg.

Illustrasjonsfoto: chaga Chaga possible caused by Neonectria galligena av natureluvr01, CC BY 2.0 og chaga parasitic on Yellow Birch, and a strong anticarcinogen brewed in a tea av Elias Schewel, CC BY-NC-ND 2.0

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]