List

Sjølv om grønnsaksdisken på Coopen er begredelig samanlikna med bugnande importbutikkar på austkanten av Oslo, har eg aldri ete så godt som etter at eg flytta til Steigen.

IMG_5583

Den enorme tilgangen på kortreist kvalitetsmat frå havet, fjellet og gardane her eg bur, kompanserer glatt for at der ikkje er okra, pasjonsfrukt, mango og steikebananer og så bortetter. Her er oskjell, blåskjell, blåbær, sopp, fisk og vilt lett tilgjengeleg i store mengdar.

IMG_6976

Og ettersom det er lengre til butikken og ingen restaurantar her, lagar eg stort sett maten frå grunnen av, basert på skrei, kveite, villsau eller elg som eg har i frysaren. Dette blir det god, sunn og billig mat av. For ein matentusiast er det dessutan sabla kjekt å laga mat når ein kan fråtsa i fabelaktige råvarer.

IMG_6952

På sønadag til dømes, laga eg middag råvarer produsert maks to kilometer frå huset mitt: Villsauen og mandelpotetene er frå naboen. I tillegg var det sesongstart på matauk; eg sanka mengder av brennenesler og løvetannknoppar rett rundt huset. På menyen stod grilla lammeribbe, mandelpotetmos med eit hint av chili, smørsteikt brennenesle og lune løvetannknoppar vendt i fransk vinagrette. Til dessert vart det suppe, kokt på vårklassikaren rabarbra.

IMG_7016

I det siste er det blitt svært så populært å samla etande skot og friske grøne planter om våren, har eg lest. Eg har lenge vore klar over at brennenesler og løvetann er etande, men har tenkt at er noko vel protestantisk, eventuelt hippieaktig,  i å eta ugras som grønnsaker. Skepsisen kan henga saman med at pappa lurte meg til å drikka kjerringrokkte som barn. Han sa at teen gjorde at du aldri meir vart sjuk, og eg gjekk på limpinnen. Eg hugsar det smakte veldig vondt.

IMG_7047

Men så viste det seg altså at brennenesle ikkje berre er lett tilgjengeleg, men også veldig godt! Eg syns faktisk det er betre enn spinat (ein av dei grønnsakene eg sjeldan får tak i her), fordi ein ikkje får den emne metalliske smaken i munnen som spinat gjerne framkaller. Løvetannknoppane er litt bitre, sjølv når dei er forvella. Men vinagrette fjerner den bitterheita, og resultatet vart utsøkt, om eg skal seia det sjølv.

IMG_7059

Og med dette er mataukmanien utvida og varer frå tidleg sommar til langt utpå hausten. Det kan bli mange seine kveldar og mykje sliten rygg i iveren og begeistringa etter å fylla frysaren med det naturen har å by på.

IMG_7027

Foto: Helga Eggebø.

One Response to “Kortreist kvalitetsmat”

  1. Naboens hane i vin - Helga EggebøHelga Eggebø

    […] Ikkje alle greier å få tak i gamal hane på ein fredagskveld. Eg skjønar at ein ikkje kan før heile Noreg på lokalt vilt og kortreist villsau, så eg kjenner meg priviligert som kan basera proteininntaket på linefanga fisk, villsau frå naboen og elg frå Steigen. I spedd ein og annan hane. Sånn er livet på landet! […]

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]