List

Eg kunne mest ikkje hugsa sist eg var på topptur. Det har blitt mykje barnevennlege turar. Stort sett kjekt det, men i lengda blir eg lei av å subba rundt i tempoet til ein 2-åring eller bæra meisen bort til ein gapahuk. Første finvêrshelga på to månader, og det var påkrevd å koma seg ut og opp i høgda. Eg bestemde meg for å ta turen til Litjtind.

IMG_7629

Det hadde kome snø, og tindane var kledde i vinterkåpa og den låge skola skein lyst og skarpt i den kvite snøen.

IMG_7631

Matpakke, broddar og fotoapparatet låg i sekken og no var det berre å trø på i sitt heilt eige tempo. Lett å gå utan meis! tenkte eg nøgd dei første kneikane.

IMG_7630

Månen stod også såvidt over kammen, så dei to – månen og sola – møttes på himmelen den dagen.

IMG_7640

Etterkvart som toppen nærma seg vart det tydeleg for meg at mitt eige tempo ikkje er som det ein gong var. Barnevennleg tur og treningsregime a la småbarnsfasen har gjort sitt til at låra er tynnare og lungene slappare enn dei skulle vera. Det vart tungt i dei bratte snødekte kneikane.

IMG_7637

Heile helga og halve motbakken hadde eg gått der og grubla på og uro meg over framveksten av høgrepopulisme i verda. På toppen løsna endeleg den tunge kjensla litt og sollyset skein på toppane frå ytst i vest til fjellheimen i aust.

IMG_7634

Nokre gonger må eg halda meg fast i fjellet og sjå ut mot havet og himmelen for å henta mot til å ta opp kampen.

IMG_7643

På veg ned var det berre å springa i snøen, for med solide broddar treng ein ikkje å uroa seg for isen under.

Foto: Helga Eggebø.

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]