List

På måndag hadde Magnus og eg ein super ettermiddagsaktivitet: Me sykla til Fenes for å hausta av markens grøde. Berre ti minutts sykkeltur unna byggefeltet ligg Bodø Andelslandbruk som me er blitt medlemmar av.

IMG_7376

På vegen syklar me forbi gravemaskinar, eit bringebærkratt, eit jorde med kyr og opp til fleire traktorar. Høgdepunktet er hestane som beiter på jordet like ved åkeren.

IMG_1164

Kvar einaste veke sidan midten av juli har me fått ei hausteliste tilsendt på e-post, og så kan me henta vår del kva tid me vil den veka. Åkeren bugnar av så mykje forskjellig: salat, squash, sukkererter, poteter, gulrøter, friske urter, blomar, brokkoli, blomkål, bondebønner, bladbete, fennikel, raudbete – berre for å nemna noko av alt det som finst.

IMG_7354

No utover hausten er det mykje kål: spisskål, grønkål, red russian, svartkål, kvitkål, raudkål og rosenkål. Grønnkål har som kjent vore hipt og kult i eit par år no, men frå gamalt av har dette faktisk vore ein mykje brukt grønnsak i Nord-Noreg, har eg blitt fortald. Grønnkålen kan du hausta til langt utover hausten og han tåler til og med frost.

IMG_7355

Sesongens grønnsaker sett ei fin ramme for kva ein skal laga til middag. Kreativiteten blømer når der er nokre fastlagde ingrediensar som må brukast. Denne veka var det heilt opplagt fårikål på menyen ettersom årets lam var å få kjøpt i butikken og me nett hadde skore av eit fint kålhovud. Seinare i veka blir det wok med fennikel, gulrot, brokkoli, lauk, sukkererter og raudkål.

IMG_7366

Det er dessutan ganske kjekt å visa ungen at maten veks i jorda og dessutan få god hjelp av 1-åringen til å putte poteter i bøtta. Medan eg sankar urter dreg han rundt på ei vannkanne eller traskar rundt mellom radene av grønnsaker medan han snakkar for seg sjølv. Til slutt må me sjølvsagt bort til hesten og servera ei sprukken gulrot eller spandera ei nypotet. «No må me gå heim. Du må seia hade til hesten», seier eg. «Nei», svarer ungen og ville nok helst stått der og mata hesten i timesvis.

IMG_7232

Eg må vel innrømma at det ikkje berre er Steigen som er idyllisk.

Legg att eit svar

Epostadressa di blir ikkje synleg. Påkravde felt er merka *

  Posts

desember 6th, 2018

Levekår blant skeive med innvandrerbakgrunn i Norge

Lesbiske, homofile, bifile, transpersoner og interkjønnpersoner med innvandrerbakgrunn risikerer å bli utsatt for diskriminering på grunn av seksuell orientering og […]

november 28th, 2018

Sosial omsorg − fra blind flekk til sentralt innsatsområde i hjemmebasert eldreomsorg?

Sosial omsorg er en blind flekk i den hjemmebaserte eldreomsorgen, hevder Mai Camilla Munkejord, Walter Schönfelder og jeg i en […]

november 22nd, 2018

Nei, abortlova er ikkje diskriminerande

Abortlova er diskriminerande, har Erna Solberg påstått, som eit argument for å endra §2c. Påstanden har fått vind i segla […]

november 18th, 2018

Kvinner som møter i nemnder

Tusenvis av kvinner og menn demonstrerte i går til støtte for abortlova, og for kvinners rett til sjølv å bestemma […]

november 13th, 2018

Sumaya samtalar med Zeshan Shakar

I går var eg blant dei over hundre menneska som kom til Stormen bibliotek i Bodø for å ta del […]

november 4th, 2018

Søndagstur til mor

Eg kunne mest ikkje hugsa sist eg var på topptur. Det har blitt mykje barnevennlege turar. Stort sett kjekt det, […]

november 4th, 2018

Likeløn – frå aksjon til byråkratisk standard

24. oktober gjekk “Likelønnsaksjonen” av stabelen rundt om i landet. Aksjonen sett fokus på det faktumet at kvinner i snitt framleis tener […]

oktober 24th, 2018

Heime i Stabburshaugen

I juni i år flytta me inn i det nye huset i Stabburshaugen. Der er ganske mange som har vore […]

oktober 7th, 2018

Bøkenes verden

Eg les mykje barnebøker for tida. Magnus er blitt så stor at han har glede av ei god historie og […]

september 27th, 2018

Likestilling kjem ikkje av seg sjølv – Plikta til aktivt likestillingsarbeid

Jamfør likestillings- og diskrimineringslova har arbeidsgjevarar, partane i arbeidslivet og offentlege myndigheiter ei plikt til å jobba aktivt og målretta for likestilling. […]