List

Tilbake ein tur i Oslo, er det nokre ting eg ser i eit litt anna perspektiv enn før. 

I helga skulle eg frå Sandvika til Oslo. Det skulle vel vera omlag like langt som frå Leines til Nordfold. På førstnemnte strekning går det fire tog i timen, minst, både seint og tidleg. Frå Nordfold til Leines går det buss til båten nokre få utvalde dagar i veka.

Nett denne laurdagen var det planlagd buss for tog på strekninga Skøyen-Oslo. Det heile var godt planlagd og organisert, så eg vart berre nokre skarve minutt for sein inn til Oslo. På veg tilbake – natt til søndag – gjekk det også heile fire tog i timen. Eller det vil seia fire buss for tog i timen. Imponerande! tenkte eg. Men det var det openbart ikkje alle som var like samde i. På perrongen ved bussen stod ein fyr og remja av raseri, fordi han ikkje var nøgd med at buss erstatta tog. Det gjekk så villt føre seg at han vart nekta å gå ombord og NSB-personellet ringte politiet.

Inne på bussen satt ei gruppe pensjonistar frå Asker, som hadde vore ute på bytur. Dei oppførte seg svært så sivilisert, men konstaterte at det var mange som – med rette – var sinte i dag. Buss for tog! Har du høyrd så gale! Då me kom skulle bytta tilbake til tog, viste seg at det var heile 19 minutt til toget skulle gå. “Dette er forferdeleg!” utbrøyt den eine pensjonisten med skjelvande stemme.

Eg måtte le, og tenkte: Dette er ikkje særleg forferdeleg. Det er i verste fall ein bitte litt irriterande strek i rekninga. Prøv innstilt båt med neste avgang om 24 timar. Ikkje går det buss for båt heller (sjølv om det er teknisk mogleg ettersom Steigen er på fastlandet), det kan eg lova deg!

Eg hadde lyst å seia det til dei. Men eg gjorde det ikkje. Eg hadde allereie gått på den smellen eit par gonger i løp av dagen: å snakka til framande. Det gjer ein berre ikkje i Oslo. Sjokkerte og uforståande blikk. Kort svar og drepande taust.

Illustrasjonsbilde: NSB local train Class 72, av Mariano Mantel, CC BY-NC 2.0.

 

One Response to “Dit toget ikkje går”

  1. Kjell Fredriksen

    Takk for flere tankevekkende innspill og betraktninger om vår samtid. Det er lett å bli “blind” eller i alle fall svaksynt når det gjelder vårt eget hverdagsliv og våre små problemer enten vi bor her eller der. Dessuten er det ekstra stas med noen som skriver så ledig nynorsk.

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]