List

Marius og eg har nett flytta inn i gammelstua i Sjåvika. Eit nydeleg gamalt nordlandshus som ikkje berre ligg på landet – i distriktet – men eit godt steinkast unna bygda. Eg går rundt og nynner på Yatzysangen til Tønes: “Sitta tett innte, trilla terningane, og kos’ okke, akkurat som om me var på hytto”.

Det er heilt stilt her ute. Så godt som ingen trafikk langs grusvegen hundre meter frå huset. Det einaste me høyrer er havet, regnet som trommer på taket og breking frå sauene til Kåre Pickard som beiter rett utføre huset.

sja%cc%8avika-3

Der er heller ingen gatelykter. No når sommaren er over og mørkret er tilbake om kveldane, blir det heilt mørkt. I alle fall når det er overskya. Eg gler meg som ein unge til mørketid utan irriterande gatelykter rett utføre vinduet. Her skal det gå an å beundra nordlyset på trappa! Ikkje minst blir det utruleg fint med vinterlyset og mørketidsrødmen i sør. Den kjem me til å kunne sjå frå kjøkkenvinduet om ettermiddagen.

sja%cc%8avika-4

Der er dårleg med telefondekning i Sjåvika. Det skar seg visst særleg etter at Telenor foretok “oppgraderingar” på masta på Vinkenes. Litt dekning no, og litt då. Må gjerne halda telefonen opp i vinduet for å få gjennom ein melding. Frå tid til annan går det an å ringa. Eit heitt tips for dei som vil ha tak i oss på ettermiddagane framover, er å ringa på Facetime.

sja%cc%8avika-2

Men nett det nytter ikkje endå, for me har ikkje internett heller enn så lenge. Det vil seia, det går så vidt an å snylta på signalet til naboen. Men dersom det i heile teke går an å lasta ein nettsida, så kan det ta fleire minutt for kvar operasjon. Og når nettet kjem, så mer det snakk om verdast smalaste breidband.

sja%cc%8avika-5

Sjølvsagt litt frustrerande til tider – å ikkje ha verken internett eller telefondekning – men det gjev ei anna fred i sjela når der ikkje er anna å gjera enn å lesa ei god bok på kvelden.

Foto: Helga Eggebø

 

 

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]