Det viktigaste med permanent opphald er at du har rett til å bli verande i Noreg uavhengig av grunnlaget for det opphaldsløyvet du har hatt. Dette har forskjellige implikasjonar avhengig av innvandringskategori:
- Kom du som ekteskapsinnvandrar kan du bli i Noreg sjølv om forholdet tek slutt
- Kom du som arbeidsinnvandrar kan du bli i Noreg sjølv om du mistar jobben
- Kom du som flyktning kan du bli i Noreg sjølv om norske myndigheiter skulle meina det er trygt å reisa tilbake
Alle sparer dessutan ein del pengar på å sleppa og søkja om stadig nye opphaldsløyve. Eit løyve er gyldig for 1-3 år om gongen og fornying kostar følgjande:
- 4400 for ekteskapsinnvandrarar
- 6300 for arbeidsinnvandrarar
- 0 for flyktningar
Det skal også litt meir til å bli utvist dersom du har permanent opphald. Følgjande er ikkje lenger utvisningsgrunn når du har fått innvilga permanent opphald:
- Lovbrot som kan føra til fengsel i mindre enn 2 år
- Brot på straffelovens §168 (om brudd på oppholds- og kontaktforbud)
- Brot på straffelovens § 271 (om kroppskrenking)
- Brot på strafeflovens § 380 om grovt uaktsomt skattesvik
- Alvorlege brot på vegtrafikkloven
Med permanent opphald har du også større fridom til å reisa utanlands. For å kvalifisera til permanent må du nemleg ikkje ha vore utanlands i meir enn sju månader i løpet av dei siste tre åra. Med permanent opphald er grensa på to år i utlandet.
Kva må du så gjera for å få permanent opphald? For det første må du ha eit løyve som dannar grunnlag for permanent opphald. Det er det ein heil del ulike løyve som ikkje gjer. Til dømes:
- Opphaldsløyve for au-pair
- Opphaldsløyve på grunn av kollektiv mellombels beskyttelse
- Opphaldsløyve for studentar
- Opphaldsløyve for einslege mindreårige asylsøkjarar som ikkje kan sendast tilbake fordi dei manglar omsorgspersonar
- Opphaldsløyve som er avgrensa på grunn av ID-tvil
Punkt éin dersom du har eit slikt løyve er å koma deg over på eit anna opphaldsløyve, til dømes som familieinnvandrar, flyktningstatus eller arbeidsmigrant. Deretter må du oppfølgja desse vilkåra:
- Halda deg i Noreg i minst 2 år og 5 månader av dei siste 3 åra
- Ha budd lovleg i Noreg i minst 3 år
- Ha budd lovleg i Noreg i minst 5 år dersom du er flyktning eller familiegjenforeint med flyktning
- Ha tent minst 2,5G siste likningsår, det vil i 2024 seia over 310.070 kr
- Bestått prøve i norsk og samfunnskunnskap
- Ikkje utført alvorlege brot på vegtrafikkloven, lovbrot som kan føra til 1 års fengsel eller meir, eller brot på ei liste med paragrafar spesifisert i utlendingslovens §68
Foto: Karoline O.A. Pettersen for forskningsprosjektet REMIMO