List

Storm og kuling frå sødvest. Hurtigbåten har vore meir innstilt enn i drift. Internett slått ut av lynet. Direkte frå distriktet melder om harde tider Nordaførr.

Eg elskar mørketida. Eller det vil seia, eg elskar lyset i mørke tida. Eg elskar at vinteren endeleg kjem, at skoa knirkar i snøen og at frosten bit i kinna. Eg elskar å gå på ski, også med hodelykt.

Eg elskar derimot ikkje blaut og svart asfalt, lågt skydekke, mildt vêr og kuling frå sørvest. Det er derfor eg ikkje bur på sørvestlandet lengre. Men nissen, det vil seia mildvêret og kulingen, vart visst med på lasset…

Etter nesten to månader med mest mildvêr og kuling har gjort alt det som kan eigna seg av uteaktivitetar: utallige turar i granskogen etter sopp, vedhogst på tomta, spadd opp og rydda grønnsakshage til planting, henta tang til åkeren, brent bål i gapahuk og vore ute på trass. Men no er det slutt på pågangsmot og entusiasme.

Ei regnvêrdag i førre traska eg mismodig rundt på eit kjøpesenter i Bodø, på jakt etter skismøring i påvente av båten. Der dumpa eg borti ein reporter i (direkte frå)distriktsavisa AN: “Er du bekymra for vêret og skiføret?” spurde han. Om eg er! sa eg og vart avbilda i avisa under overskrifta “Bekymra skigåer fra Steigen”.

I dei lange kveldane kunne ein ha sett litt på TV, byrja på ein ny seie, skrive ein blogg eller lest seg opp på den offentlege debatten. Men trur du ikkje lynet slo ned i sikringsskapet og slo ut internett. Dermed vart det ikkje TV, ettersom eg berre har nett-TV, og ikkje skriving.

Gode gamle radioen sviktar meg også. Ein P2-lyttar er nemleg avhengig av internett nord for polarsirkelen, ettersom Sameradioen blir sendt på P2-frekvensen.

“Du vet det e været som hold dæ for narr, men du kjenn ingen ansikta i januar”. Frels meg frå mildvêret og la oss få litt snø, frost og klårvêr! ber Direkte frå distriktets reporter i Nord.

Illustrasjonsbilde: Rain on my window, av Judy van der Velden, CC BY-NC-ND 2.0.

Leave a Reply

Your email address will not be published.

  Posts

June 23rd, 2022

Kva burde tordivelen?

Heilt frå eg vakna den morgonen kokte hovudet over av alt eg burde ha gjort. Eg må hugsa å kjøpa […]

June 10th, 2022

Å sjå ein snegl inn i augene

Eg hadde rusla ut mot Mørkvedodden for å vera litt i fred. Eg gjekk gjennom skogen, forbi kvitveisane og den […]

May 27th, 2022

Kva med å ta litt lett på det?

Ein kollega kom innom ein dag og fortalde at fleire av tekstane mine er trekt fram i boka “Kunsten å […]

May 27th, 2022

10 måtar å endra verda på sykkel

Kvar gong du kastar deg på sykkelen og suser nedover sykkelstien langs riksvegen reduserer du trafikkgrunnlaget for det neste vegprosjektet. […]

May 10th, 2022

Transportrevolusjon

Like før Ingeborg skulle byrja i barnehagen kjøpte eg meg elsykkel. Eg hadde høyrd mange tala entusiastisk om dette transportmiddelet, […]

May 3rd, 2022

Kom og få deg ein vaffel!

Farmor og farfar hadde alltid vaffelrøre ståande klar i kjøleskapet. For meg og brørne mine, som budde i nabohuset, var […]

April 26th, 2022

Å trøysta ho som skrik

Ingeborg hoppa opp av senga klokka 0500. “Dædig lalla”, erklærte ho. (Ferdig å lalla, det vil seia sova). Det er […]

April 20th, 2022

It’s for commercial purposes

Siste dagen i påska vart eg sitjande å jobba fordi eg heller ville på tur i finvêret som var meldt […]

February 25th, 2022

Samtalar med Steigen og Tana

Korleis kan me utvikla kvalitative metodar som legg til rette for gode faglege samarbeid? I denne spalta har eg delt […]

January 18th, 2022

Kjenner ho deg att?

Det er ikkje ofte forskingsartiklar får meg til å grina. Eg trur kanskje aldri det har skjedd før. Men då […]