Heime i Stabburshaugen

I juni i år flytta me inn i det nye huset i Stabburshaugen. Der er ganske mange som har vore på besøk allereie, frå både fjern og nær, men der er også fleire som har etterspurd ei lita omvisning via internett. For alle dykk som enda ikkje har vore her i “real life” (RL) – velkommen inn i stova!

Vent litt, eg skal berre nett tørka av bordet først. Her!

Kjøkkenbord og spisebord kombinert – med samme utsikta mot Børrvasstindan og Mørkvedodden, som de har fått vera med ut på i ein tidlegare blogg. Alternativt går det også an å få vindusbordet.

Den laaaange kjøkkenbenken er det sjølvsagt nokon som jobbar for å halda rein og ryddig. Han her kjekkasen arbeider til tider på kjøkkenet.

Det er sjølvsagt best med kjøkkenfest, stinn brakke og topp stemning!

Det var evig lenge siden Marius og eg har laga noko spennande til middag. Her har me gjester som alle var med på å laga kvar sin rett til koreansk aften, basert på eksotisk smakstilsetning og lokale grønnsaker frå åkeren på Fenes.

Eksemplariske gjester som ikkje berre lager maten men også rydder. Lillebror og onkel Håkon – som har fått kallenamnet Kåkå av Magnus – i aksjon.

Middagen var faktisk så god at alle la seg på golvet for å fordøya festen. Guro og Even fant ut at Magnus si hoppeku også eigner seg til pute.

Og så kan det kanskje passa å bli med over i salongen og få eit glas vin?

Marius sett på noko fint på anlegget. Eller noko Magnus likar. Han har for tida dilla på heavy metal versjonen av “Nei, nei gutt” (Sangfoni).

Så lenge det har vore lyst om kveldane har me sitta her og sett på utsikten om kveldane.

Men når mørkret senkar seg sit gjerne Marius nede i studio og lager musikk, medan eg skriv eller les. Magnus syns at studio – kor der også ligg ein del verktøy – er den klart mest spennande staden i huset.